اعرف ازاي تستغل وقت الفراغ بتاعك و اوقات حظر التجوال و القعدة في البيت و ازاي تكسب منها

ازاي نستغل اوقات فراغنا كشباب و نستفيد منها ؟

- من المتعارف عليه ان الناس بتحب تستمتع في اوقات فراغها بأي حاجة بتحب تعملها زي اللعب علي الموبايل ، استخدام برامج التواصل الاجتماعي ، النوم و الاستراحة ، مشاهدة المسلسلات و الأفلام و غيرهم من الطرق الكثيرة اللي الواحد يقدر يقضي بيها وقت فراغة ،،،

بس الكلام دة بيبقي حلو جدا لما بيكون في وقت الفراغ اليومي (الطبيعي) خلال ايام الدراسة او العمل و بيبقي ليه طعم كمان و مذاق خاص

 إنما نعمل ايه بقي لما تتحول الحياة كلها لوقت فراغ و يبقي الوقت اللي بتقضيه في بيتك اكثر من الوقت المعتاد عليه اللي بتقضية في يومك الطبيعي ؟؟!
 اكيد هتزهق من كل الأساليب اللي بتعملها في وقت فراغك و مش هتلاقي حاجة جديدة تعملها بسبب فيروس كورونا المستجد (Covid-19) و الاجرائات الأحترازية اللي خدتها جميع الدول و اللي منها حظر التجوال اللي هو كمان سبب في زيادة وقت فراغك و قعدتك في البيت .

- من هنا هنفتحلك سكك جديدة تقدر تستغل وقتك فيها و تستثمرة في حاجة تفيدك و تطلع من الأوقات دي كسبان حاجات كثيرة .

احنا كشباب لازم نستغل الهدية اللي جتلنا من عند ربنا و هي زيادة وقت الفراغ اللي ممكن نستغلة في مصلحتنا و عندنا سُبل كثيرة جدا للاستغلال الأمثل منها:

1- تقوية اللغة الانجليزية عندنا عن طريق كورسات اونلاين مجانية و الـ Self-Study

2- تطوير مهارات الكومبيوتر عندنا خصوصًا برامج الأوفيس اللي بنحتاجها في اي مجال شغل

3- نتعلم طرق الربح من الانترنت و نستغل وقت فراغنا و احنا ماسكين تليفوناتنا ان احنا نكسب فلوس حقيقية خصوصًا ان العالم كلة رايح ناحية الأونلاين بسبب فيروس كورونا المستجد (Covid-19) و فعلاً نسبة العمالة بدأت تقل في العالم كلة و دة اتجاة كل الدول ماشية ناحيته حتي قبل انتشار فيروس كورونا 

4- ناخد كورسات في اي مجال بنحبه بعيدًا حتي عن الدراسة العادية 

5- طبعا لازم نتعلم اصول الدين الصحيح اللي كُنّا بنسيبه بحجة ان ماعندناش وقت .

- هنا هسيبلك افضل المنصات اللي تقدر من خلالها تتعلم كل حاجة تيجي علي بالك بالعربي و بالأنجليزي و ببلاش و فيها الحاجات المدفوعة برضو و كمان شهاداتها معتمدة بشكل كبير جدا و كمان المنصات دي اغلبها معروفة علي مستوي العالم كله

 ↓↓↓  

يودمي: www.udemy.com

ادراك: https://www.edraak.org/

رواق: https://www.rwaq.org/

ندرس: https://www.nadrus.com/

اكاديمية حاسوب: https://academy.hsoub.com/

مهارات من جوجل: https://learndigital.withgoogle.com/maharatgoogle

أكاديمية زاد: https://www.zad-academy.com/

كورسيرا: https://www.coursera.org

اي دي إكس - edx: https://www.edx.org

يوداسيتي - udacity: https://www.udacity.com/ ليندا - lynda: https://www.lynda.com/ خان اكاديمي - khan acadmy: https://www.khanacademy.org/

طور و غير: www.tawarwghayar.com 

 اخر موقع دة بالذات لسة جديد و كل الكورسات اللي عليه مجانًا و كل شهاداتة معتمدة من مايكروسوفت و وزارة الشباب و الرياضة و المركز الإنمائي للأمم المتحدة يعني حاجة عظمية جدًا ..

في النهاية ياريت تنفع كل اصحابك و تعرفهم المواقع دي و تفيدهم و تاخد ثواب عليهم كمان فالدال علي الخير كفاعلة و ندعوا الله دائمًا ان ينفع بنا و بكم .